Nan yon atak vyolan ki te fèt byen bonè maten mèkredi 28 out 2024 la, Polisyè Michelle Nathanielle Megine, ki te fè pati 28e pwomosyon Polis Nasyonal dAyiti (PNH), tonbe anba bal nèg ak zam pandan li ta pral travay. Ensidan trajik sa a pase nan ri Kasayòl 12 pwolonje.
Daprè enfòmasyon ki disponib, gen 13 enpak bal ki te konstate nan vit machin viktim nan, sa ki montre nivo vyolans atak la. Polisyè Megine te afekte nan Delma 75, kote li t ap sèvi ak devouman.
Nou swete fanmi ak kòlèg li yo jwenn fòs ak kouraj nan moman difisil sa a.
